講起「富二代」，相信任何人第一時間諗到既都係負面野，例如玩女、玩車、扮上進踩底香港年青人之類。 但最近觀察左新世界的現任副主席鄭志剛(Adrian Cheng)一段時間發現佢都有幾多迥異於一般人的地方。
既然提到佢自不然要提其家庭背景，俗稱雞排妹的老豆鄭家純出哂名係無料廢柴，當年接任主席唔夠兩年就搞到公司一鑊泡，逼到Adrian個阿爺鄭裕彤復出重掌大旗，所以Adrian獲得爺爺隔代欽點接班係非常看重佢的表現。 現時四十未出頭的Adrian自細十二歲就獨自去美國生活，入讀哈佛後又唔揀常見的商科管理金融類黎讀反而要讀東亞文學及研究，畢業後更到京都留學一年修讀日本藝術和文化。 呢段時間佢學左日語之餘仲寫過論文闡釋莊子和蘇格拉底的哲學相似之處。 留學完畢後又去高盛、瑞信和瑞銀當投資銀行家吸收企業金融經驗先回家接手家族企業。
現在近十年都有唔少實績係手，例如將已經係「死場」位置的藝術商場K11重新搞起，同一時間又創辦非牟利藝術基金會K11 Art Foundation去support新進的藝術家和定期公開展覽藝術作品(例如印象派大師莫奈)等大眾增加更多對藝術的認知。 跟著又將協興建築重新命名為新世界建築，順手踢走協興當中老態龍鍾的瘀血幫公司汰換新血，今時今日當畢業生找工作的選擇當中，禮頓和新世界建築相比就好似地獄和天堂的分別。 然後又拍住老婆余雅穎入股Baby Kingdom，收購八間維多利亞幼兒園及幼稚園發展幼兒教育。 另外又宣佈同母校哈佛研究院合作發展全球首創STEAM「創造家」幼兒教育課程將其科研成果融入幼兒教學。 清水灣低密度宅項目「傲瀧」又係搵外國建築師結合藝術設計，還有連同星光大道一起的Victoria Dockside項目，再到剛中標的機場「SKYCITY航天城」項目，都足見Adrian的長遠眼光和發展願景，除此之外閒時還會在hypebeast上撰文發表心得，這一點真的沒有在其他富二代、三代身上看到，有興趣的可以FOLLOW一下
https://hypebeast.com/zh/tags/adrian-cheng
留言
張貼留言